樂●活｜酒店開放日 預購優惠好時機！

下星期五至日，又係一個長周末，未諗到有乜節目的話，不妨考慮下去酒店參加開放日！

位於金鐘嘅香港JW萬豪酒店會喺6月3及4日一連兩日嘅中午12點至下晝6點喺酒店3樓舉行開放日，到時會有涵蓋酒店餐飲、宅度假住宿套餐、長期住宿優惠，以及婚宴計劃嘅優惠同限定禮遇。

其中大家可以低至5折嘅限定優惠價預購酒店餐飲，包括JW咖啡室和The Lounge的精選自助餐、Dolce　88的外賣下午茶餐，以及魚吧嘅凍海鮮拼盤配無限暢飲氣泡酒。另外，仲可以75折預訂米芝蓮中菜廳萬豪金殿嘅迷你奶皇月餅，如果大量訂購仲有額外嘅禮品。除餐膳之外，一系列香檳和氣泡酒亦會以低至5折優惠價出售，包括Dom Pérignon、Krug Grande Cuvée NV、Moët & Chandon Brut Impérial NV 及 Whispering Angel Rosé，愛酒之人千祈唔好錯過。

提起酒店，點少得Staycation！喺開放日現場預訂任何度假住宿套餐，可獲取額外禮遇，包括萬豪老虎公仔或Vonique禮品卡，以及於入住時獲贈精選餐酒。當中嘅Vonique禮品卡可兌換價值$1,000嘅100分鐘香薰按摩服務，或價值$1,480嘅90分鐘Proteoglicanos Hydrating Ultimate Facial Care。

另外，喺開放日預訂30晚或以上的長期酒店住宿，可享85折，即每房凈價$36,000起 ，當中包括每日雙人自助早餐及高達$2,000酒店現金消費額供住宿期間使用。

至於準備拉埋天窗嘅準新人們，如果喺開放日即場確認酒店婚宴，可享限定禮遇，其中指定晚宴套餐每席由$14,288起或午宴套餐每席由$12,288起，包括3小時無限供應指定飲品。此外，以指定DBS信用卡預訂婚禮晚宴可獲贈高達$12,000酒店餐飲禮品卡，更可賺取高達120,000分萬豪旅享家雙倍積分。

免費入場嘅開放日更加為參觀人士準備咗由Vonique提供嘅皮膚分析服務、品嚐Caffè Perfetto即場沖泡嘅新鮮咖啡，以及欣賞現場音樂表演。

作者：Laurie Wu（愛保健愛旅遊愛購物的熟女）

 

[email protected]