樂●活｜夏日熱辣辣 喝一杯消暑解渴

聽日開始又係一連三日嘅長周末，據天文台嘅天氣預報氣溫高達30度以上，天氣炎熱，當然唔少得一杯透心涼嘅飲品！

其中即日起至6月12日雀巢牛奶公司低脂純乳酪聯乘天仁茗茶推出乳酪茶飲限時優惠，凡於全綫天仁茗茶分店及戶戶送外賣平台購買任何乳酪茶飲，每杯即減$5，並首次增加大杯裝乳酪茶飲。系列口味包括冰士多啤梨乳酪綠、冰香橙乳酪綠及冰綠抹茶乳酪。以冰士多啤梨乳酪綠為例，用上雀巢牛奶公司低脂純乳酪，並加入啖啖果肉嘅士多啤梨配以茉香綠茶作茶底，入口酸甜，茶味回甘。冰香橙乳酪綠就以新鮮鮮榨橙汁配以茉香綠茶作茶底，既有茶之甘潤、果之香甜、更富乳酪之酸甜，生津解膩。

星巴克亦推出多款全新凍飲以喚醒仲夏味蕾，其中包括首度加入近期大熱湯力水為飲品注入沁涼氣泡感，配合冷萃咖啡或烏龍茶和梅子蜜糖醬，調配出兩款風味獨特的清爽夏季特飲—梅子蜜糖湯力冷萃咖啡及梅子蜜糖湯力烏龍茶。另外，仲有富熱帶風情嘅蜜糖紅西柚冷萃咖啡，將柑橘果味碎冰加入至冷萃咖啡，味道酸甜開胃。鹹甜交織嘅海鹽忌廉冷萃咖啡亦再度回歸，更有全新海鹽忌廉氮氣冷萃咖啡，注入氮氣後口感比一般冷萃咖啡更順滑綿密。

至於Pacific Coffee亦有兩款期間限定嘅透心涼特飲，包括以清香玫瑰搭配夏季人氣水果荔枝，融合經典鮮奶咖啡及消暑必喝其樂冰。特選18/25玫瑰荔枝鮮奶咖啡就用上18/25 咖啡豆嘅堅果風味與甜中帶微酸嘅荔枝味互相調和，再輕輕灑上乾玫瑰花碎，入口多重層次變化。玫瑰荔枝其樂冰顧名思義以香甜荔枝作主調，配搭淡雅清香嘅的玫瑰，口感清爽。

 

作者：Laurie Wu（愛保健愛旅遊愛購物的熟女）
[email protected]