樂●活｜回收膠樽 一舉兩得

近年多咗人留意減塑、走塑嘅重要，但日常生活中有時難免都會有一啲PET膠樽，喺棄置膠樽前，有冇諗過一個舉動就可以為佢帶來新生命？

星街小區正舉行Recycle Your Bottles回收活動，一方面收集膠樽並將其轉化為再生物料，打造聖誕裝置；同時為鼓勵大眾回收，星街小區將會以每位參加者的名義種植一棵小樹苗。

 由即日至起，星街小區將會解金鐘及灣仔一帶限時設置16個PET膠樽收集點，為廢物提供重生嘅機會。星街小區會與碧瑤、歐綠保及太古可口可樂聯營的塑膠回收設施塑新生有限公司合作，將活動所收集得嘅PET膠樽交往屯門環保園嘅塑膠回收設施，進行處理並轉化成塑薄片，再交由星街小區將其化身為今年嘅聖誕佈置，喺普天同慶節日見證大家嘅減碳成果。

參加者只需進行四個簡單回收步驟，即可獲本地植樹機構EcoMatcher代為於尼泊爾森林種植的一棵小樹苗，每棵小樹苗都有序號，市民可以在EcoMatcher網站上為小樹苗改名，還可了解它的品種、碳吸存量，以及追蹤其生長情況。回收過程簡單快捷，只需先使用智能裝置掃描回收箱上嘅二維碼進行登記，喺放入回收箱前，請清空、清洗及晾乾膠樽；然後，上載回收膠樽嘅相片，並填寫基本個人資料；成功回收後，就可收到相關連結查看獎勵，並為小樹苗命名，最後仲可以利用EcoMatcher平台來查看和追蹤小樹苗的生長進度。

除咗減塑以外，更多人選擇將植物肉加入日常飲食習慣，以助減碳。植物肉品牌Impossible Foods於6月期間舉行世界環境月，鼓勵大眾從飲食開始實踐環保，以餐飲上的選擇表達對地球的愛。全港約200間餐廳齊齊參與「世界環境月」活動，推出多款Impossible植物肉限定菜式，鼓勵大家選擇植物肉菜式代替傳統牛肉及豬肉，減少土地使用量及用水量，同時節省溫室氣體碳排放量，從而逆轉氣候時鐘。廚師們巧妙地運用Impossible植物肉嘅​​可塑性，烹煮出碎肉以外嘅百變菜式，由西式漢堡包到中式點心、餃子，再到港式叉燒及焗飯等。唔少餐廳更因應「世界環境月」推出一系列新菜式、或期間限定菜式，記得把握時間去試試。

喺活動期間凡於指定餐廳或超市選擇Impossible菜式或產品，更會聯同非營利組織One Tree Planted代替食客植樹，讓大家對地球作出更大的貢獻。

 

作者：Laurie Wu（愛保健愛旅遊愛購物的熟女）
[email protected]