樂●活｜小改變實踐環保

愈來愈多人願意在生活上實行一啲小改變，實踐環保、減碳嘅綠色生活。一於趁着Green Monday同大家分享一啲同環保生活相關嘅資訊吧！

環保袋跟身，相信已經係唔少人嘅習慣！原來喺15年前（即2007年），I Am Not A Plastic Bag於全球推出，提高了大眾對即棄膠袋問題的關注，係Antidote同全球社會變革運動“We Are What We Do（現稱為 Shift）合作企劃的一部分。原來喺2006 年，即I'm Not A Plastic Bag企劃啟動之前，英國使用了106億個塑膠袋，喺2010年企劃結束後，數字下降到61億。

睇返香港嘅數據，根據環境保護署公布嘅統計數字，香港每天約有2,300噸一次性塑膠製品被棄置，當中佔大部分仍然是即棄膠袋。2021年 2 月，政府公布了《香港資源循環藍圖 2035》，制定多項措施，跟國際社會攜手「走塑」、找尋合適嘅塑膠替代品，並繼續監管一次性塑膠製品。

Anya Hindmarch跟世界各地的超市合作，啟動了全新企劃Universal Bag，激發消費者進一步改變習慣，旨在提供全新購物袋方案，鼓勵大眾建立重複使用嘅觀念，以及打造可以應對各種可持續發展挑戰的環保購物袋。city’super 和南豐集團亦參與了業內首創、以Eco not Ego（重生態、棄小我）為宗旨嘅企劃，跟 Anya Hindmarch 和 Solent Group 攜手打造新一代的購物袋，超市更可以根據各自嘅品牌風格自訂專屬Universal Bag設計。

香港city’super係首家在英國以外推出Universal Bag嘅超市，購物袋備有兩種獨家配色，其中綠色將在7 月中旬喺所有city’super專門店發售，而橙色則於 2023年在啟德發展區AIRSIDE嘅全新city’super獨家發售。兩款購物袋於 city’super 上架之前，率先於 Anya Hindmarch 香港專門店限量發售。

Universal Bag採用100%再生塑料製成，每個製作步驟和所用物料均經過全球回收標準（GRS）認證，是名副其實的 100% 再生產品。每個Universal Bag均經過耐用性測試，保證可以使用10年，且內置創新、方便嘅免付資郵寄退貨袋，只需將購物袋反轉塞進內置口袋中，口袋就會化身成預先編址嘅信封，可以放進郵箱投遞，然後購物袋會在當地100%回收再造。實用和耐用兼備之餘，Universal Bag的設計亦具美感和吸引力，使人樂於使用和保養，有望增加重用的次數，從而解決仍然圍繞購物袋的一大問題。

隨着素食文化嘅普及，以及對綠色生活嘅追求及履行環保，燕麥奶近年大熱崛起。最近又有新選擇，係來自西澳麥帶區嘅燕麥奶品牌Dirty Clean Food，一款世界上第一個可再生碳中和、具非基因改造和無過敏原成分嘅自家燕麥奶系列。 

Dirty Clean Food燕麥奶系列100%採用西澳再生農場生產嘅非基因改造優質燕麥，配以高質冷榨葵花籽油製成，口感香醇順滑，充滿淡淡天然香甜與濃郁嘅燕麥風味，不但無添加糖、乳製品、大豆、堅果、基因改造、卡拉膠及穩定劑，更加添健康元素，不單加入了與一般牛奶含量相約嘅鈣，亦添加維生素B及D，適合任何人士，包括100%天然及素食友善者或有乳糖不耐症人士。

備有原味、咖啡味及朱古力味嘅Dirty Clean Food燕麥奶均採用真空包裝，將最新鮮和最好的滋味封存。建議打開蓋子及封口後，需重新蓋上蓋子並大力搖勻，以確保因真空沉澱的美味得以充分倒出。原味燕麥奶可用於代替牛奶日常飲食、加入喜歡的咖啡或飲料、與穀物一起食用、烹調及烘焙。

 

 

作者：Laurie Wu（愛保健愛旅遊愛購物的熟女）

[email protected]