樂●活｜享樂不忘關注健康

不時都會聽到今日係「世界乜乜日」或者今個星期係「國際乜乜周」，呢類型嘅日子大多旨在喚醒大家對於唔同議題嘅關注，好似今日（10月12日）原來係世界關節炎日，而呢個日子主要嘅目的係為咗讓更多人了解同重視關節炎相關嘅疾病。

腰痠背痛、關節痛等應該困擾唔少都市人，雖然未必去到關節炎咁嚴重，但都要做好保養，及早關注。主打電動按摩紓緩產品嘅Gemibee就趁住世界關節炎日推出3款皇牌產品限量優惠，讓大家可以放鬆身心、活得更健康。3款皇牌產品分別係氣囊式背部舒展床墊、膝部熱感按摩器及砭石發熱紓緩腰帶，由即日至10月31日期間，可以套裝優惠價入手。另外全線Gemibee單品享9折購買優惠，優惠只限Nexus  Style網店、WhatsBeauty網店及門市提供。

其中供穿戴於膝蓋部位嘅裝置膝部熱感按摩器，利用熱能和振動，紓緩及放鬆疼痛、僵硬嘅肌肉，有助改善慢性膝蓋炎症及痛症，促進血液循環，提升關節靈活性，並設有3種震動模式，可隨意調校不同震動頻率，更可透過調節5種溫度（40/45/50/55/60 ̊C）以助促進血液循環，提升關節靈活性。按摩當然要希望穴位按得準，膝部熱感按摩器嘅熱力迅速傳達至足三里、血海、膝海、陽陵泉4大穴位以助活絡氣血，而且其採用磁吸控制器，可拆式靈活操控，無線設計方便攜帶隨時享受按摩，更配備延長帶，隨意調較尺寸。

至於砭石發熱紓緩腰帶就可針對緩解腰痛，結合中醫傳統理療及物理按摩技術 ，內置 6 片砭石，釋放遠紅線及超聲波以有助緩解肌肉疼痛。腰帶配合7種按摩模式及3種溫度 (40/ 50/ 60 ̊C)，設有不同強度及深度嘅振動頻率，及前後發熱功能，全效熱敷理療，促進氣血運行，其魔術貼設計及備有23至48吋腰圍適用嘅延長腰帶，將砭石理療功效聚焦腰背部位。

想放鬆兼按摩全身，就可考慮氣囊式背部舒展床墊。全氣囊式舒展床墊提供45度溫熱暖敷功能，能為頸背腰臀部提供溫和而有力嘅承托，其16個氣囊觸及頸部、腰部、背部及臀部，並設有舒活、放鬆、扭轉及舒展4睇模式，可模仿伸展動作舒展各個部位。

Gemibee除咗藉世界關節炎日提供購物優惠，亦10月份係國際乳癌防治月與大家一齊做善事。為讓大眾關注婦女健康，宣揚乳房保健訊息，於即日至12月31日期間每售出一盒Gemibee產品，Gemibee就會向香港癌症基金會捐出$30支持免費乳癌支援服務。

除咗Gemibee，香港維港凱悅尚萃酒店於10月推出 #PINKTOGETHER 活動，響應提高大眾的乳健意識，其中包括由香港首個街頭編織藝術團隊 La Belle Époque 製作嘅粉紅鉤針裝置、與巴黎歐萊雅合作為客人提供禮品以及由 The Farmhouse Deli 餅店創作的「Pink Combo」粉紅蛋糕和咖啡特飲套餐。酒店邀請了 La Belle Époque 的創始人、鉤針藝術家 Billie 和 Mary 創作了一件粉紅鉤針裝置，於整個10月份喺酒店大堂（2 樓）展出。另外，所有於10月入住酒店嘅客人將可隨機免費獲贈兩件巴黎歐萊雅產品，其中包括金致臻顏花蜜奢養眼霜(15毫升)、昇華修護美髮油膠囊-暗啞髮質適用 (1毫升 x 6)、缎光持色唇釉及Emotions Nude 16色眼影胭脂盤。另外，酒店糕點總廚Kevin Leung 和首席咖啡師Wayne Tsang更精心炮製咗「Pink Combo」粉紅蛋糕和咖啡特飲套餐於整個 10 月於 The Farmhouse Deli餅店供應。

另外，香港和菲律賓嘅馬哥孛羅酒店於即日起日至10月 31 日聯手推出#Pinktober 餐飲體驗。部分收益將捐贈香港遺傳性乳癌家族資料庫、馬尼拉The Medical City 和 ICanServe 基金會宿霧分會，支援慈善機構提供家庭社會心理諮詢服務及進行乳腺癌有關研究。#Pinktober活動期間，馬哥孛羅酒店會推出兩款限定粉紅特飲Pink Highball和 Pink Osmanthus Sour，前者係一杯加入了蘋果汁和蜜桃果泥， 配以冰凍烏龍茶以及酸甜西柚汁嘅無酒精雞尾酒；雞尾酒愛好者則可選擇 Pink Osmanthus Sour，它混合了芳香的桂花和開胃酒，帶有清新柑橘味和回甘，兩款特飲於港威酒店Be on Canton和位於海港城嘅SAVVY供應，凡惠顧兩款限定粉紅特飲，酒店將捐贈$30予香港遺傳性乳癌家族資料庫。

作者：Laurie Wu（愛保健愛旅遊愛購物的熟女）

[email protected]