樂●活｜健康綠色飲食習慣

隨着更多人重視健康、環保嘅飲食，身邊亦愈來愈多人食素，或者會每星期挑一兩天只食素。由營養師Dawn Jackson Blatner提出嘅彈性素食（Flexitarian Diet或 Semi-vegetarian diet）亦愈見流行，呢個飲食法無強制完全不吃肉，而係採用「多吃菜、少吃肉」嘅飲食模式，重點在於多吃水果、蔬菜、豆類、全穀物，且盡量補充植物性蛋白質，減少加工以及含糖食物，並偶爾可以加入一些肉類或是動物產品，漸漸減少食用肉類嘅頻率，長期下來就能減少肉類在飲食中的比例，漸進式地成為素食者。

 最近Eatology亦推出咗全新彈性素食餐單，透過鼓勵減少餐單中嘅肉類或海鮮類食品至每天一次，令有意改善健康和減少碳足印的客人輕鬆踏出第一步。彈性素食餐單有一系列全新菜式，打頭陣嘅有擔擔海藻麵配植物豬肉，海藻麵熱量低，而且營養豐富，口感更跟傳統麵條般一樣柔軟，味道媲美真正的擔擔麵。火炙照燒三文魚配日本魚生糙米飯精選多款配料，包括毛豆、海帶、牛油果、青瓜、生薑、醃蘿蔔和青蔥，口感層次豐富。

另一款不能錯過的亞洲風味菜式是泰式鴨胸肉配泰國蘆筍、橄欖油紫蘇葉薯蓉拌泰國醬汁，嫩滑多汁嘅鴨胸肉，淋上以青檸、椰子花蜜及魚露製成嘅泰國醬汁，搭配幼滑嘅忌廉薯蓉，每一口都係驚喜。由即日起至10月底，於 Eatology 網站 首次預訂彈性素食餐單時，只需於結賬時輸入【FlexForward200】優惠碼，即可享$200膳食折扣優惠。

講起環保飲食，最近世界自然基金會香港分會 (WWF) 與foodpanda香港合作，推出全港首個可重用餐具回收先導計劃「環保基金：走塑從『揀』開始」，合作首階段將提供8,000個可重用餐盒，用戶可以喺foodpanda指定合作餐廳上選擇提供可重用餐盒的菜式，其後到港島區九個回收點歸還餐盒即可。

環保基金：走塑從「揀」開始先導計劃嘅首階段，foodpanda香港將提供8,000個可重用餐盒供近40間合作餐廳選用，其中包括大快活、Seoul Bros、Wingman、湯譜、KALE和Planet Foody，以及平台首個及唯一環保飲食認證金獎餐廳TREEHOUSE等。可重用餐盒共設有兩個形狀及容量（1,380毫升及650毫升），合作餐廳可因應菜式需要選擇可重用餐盒，為餐廳運作提供更大彈性。用戶喺foodpanda己指定合作餐廳上可選擇有提供可重用餐盒的菜式，外賣速遞及外賣自取均可適用；確認訂單後需繳付$10作按金。使用後，用戶可在位於中環、金鐘、灣仔及銅鑼灣共9個回收點歸還餐盒，並即時透過八達通取回按金。用戶亦會定時收到由foodpanda發出的電郵及短訊提醒交還餐盒。用戶每歸還一個餐盒，其foodpanda帳戶亦會自動獲發$10優惠券供下次使用，如歸還兩個餐盒即可獲得$20優惠券，如此類推，優惠券僅適用於在合作餐廳訂購外賣時使用。

作者：Laurie Wu（愛保健愛旅遊愛購物的熟女）

[email protected]