【維港會】急搵廁所畀仔仔 港媽發難怪店員指錯女廁方向

相信很不少父母都曾經因小孩突然有生理需要，太趕急而帶著小朋友誤闖異性廁所！有曾任職咖啡店的網民分享遇到一名野蠻港媽的經歷，令她深感不忿！

有任職咖啡店的網民在投稿到facebook專頁「西客之道」，表示入行多年已經對麻煩客見慣不怪，「但都總會見到啲想一巴車死佢嘅BB」。她隨即分享遇到一名麻煩港媽的經歷，表示她曾經在商場的咖啡店工作，不過店鋪無舖位，只有圍欄圍著，令不少客人都誤會是客戶服務中心。她講到有次假日比較忙碌，突然有一名女子匆忙地衝近店裏，詢問她洗手間的位置，她就指出女廁的方向，但過了不久，一名男童前來櫃檯，詢問洗手間位置，她指出了男廁的位置，不料港媽即時上前罵她剛剛為甚麼要指示她去女廁，「你頭先做咩叫我去嗰邊，嗰邊女廁嚟㗎！」

投稿人不明白對方的意思，該名港媽就解釋她要找男廁．投稿人於是解釋只聽到對方問洗手間位置，正常反應下指示她到女廁方向，但對方就指着身後年約4至5歲的男童，「你見唔到果度有個小朋友架」。此時網民感不忿，解釋自己剛剛看不到有小朋友。但如果你要去男洗手間就係嗰邊，我仲有無嘢可以幫你？」不料港媽竟然發難反指她態度不好，「你有無搞錯，你做錯嘢仲咁嘅態度，你搞到我小朋友行咗入女廁，佢好尷尬，你知唔知咁對佢日後好有影響㗎，我要去商場投訴你，咁嘅服務態度學咩人做顧客服務中心！」

投稿人忍不住大聲反駁，「其實我呢度就唔係顧客服務中心，顧客服務中心就係下一層，你要投訴我，果度幫唔到你，因為我唔係商場員工，我公司係xxx Coffee Shop，如果你需要買咖啡麻煩你排隊」。最後港媽就一邊拉住兒子離開，一邊繼續鬧。

不少網民留言撐投稿人，有人就認為投稿人的做法沒錯，「邊有人會expect一個女人係會問男廁喺邊」，有人就覺得港媽應該靠自己找到廁所，「香港商場會有幾大？大到廁所都搵唔到？抬頭望下d公仔指示實會見到，仔都生埋但唔識搵廁所仲好意思講俾人知」。