【維港會】曾拒蛋糕寫「唔好搞我後面」東海堂致歉：尊重言論自由

連鎖餅店東海堂被指拒絕為客人定制一個寫有「唔好搞我後面」的蛋糕，聲稱餅店師傅拒絕寫上蛋糕賀詞，解釋不能寫涉及政治語句，引發網民質疑是自我審查及損害言論自由。東海堂今日在Facebook專頁回應事件，已經向該客人致歉，重申尊重言論自由。

東海堂下午在Facebook展示一張寫有「唔好搞我後面」的蛋糕照片。東海堂表示，「網上好多有關蛋糕賀詞嘅疑問，我哋都好關心，至於報導指有客人被拒嘅事件，我哋尋日已經向該客人致歉，亦非常樂意重新為佢製作蛋糕同自選賀詞」。東海堂又透露，昨日有傳媒訂購同一款字様蛋糕，「希望佢哋會對今日攞既蛋糕滿意喇」。

東海堂指，經過今次事件，「會再加強員工嘅溝通同培訓，同時都歡迎顧客自訂中英文蛋糕賀詞，只要唔係粗言穢語或不雅用語，我哋都照單全收」。店家並用上主題標籤「#尊重言論自由 #政治審查NONO 」。

有網民就接受店家解釋，「嗱～呢個PR要加人工啦⋯⋯」；有人則建議，「你下次話暫緩製作咪得囉~特首教既」，有人更提出「請送出一百個［唔好搞我後面］蛋糕出黎抽獎，以息民憤並作以宣傳」，有人趁機抽水「可以在蛋糕上寫: 『記你老母』嗎？」、「寫『叫你個耶穌落黎見我』咁長使唔使加錢？」。

上周二晚大批市民在港鐵金鐵站被警察搜身，一位警察與在場人士對質時，突然向背後大叫「唔好搞我後面」，隨即成為反修例風波中的最新網絡潮語。