【維港會】P牌司機停車場慢駛被砵 中年婦落車爆粗反擊：揸慢啲唔得㗎

暫准駕駛執照（P牌）是司機必經階段，但有網民在facebook群組「馬路的事討論區」上載片段，事主在停車場遇上一輛極慢駕駛的私家車，事主不耐煩從後響按催促後，前車一名中年女子落車怪責事主「揸慢啲唔得？」，批評事主不體諒P牌司機。結果花了最少1分27秒，都未能駛出停車場。

網民Pak Yu上周五上載片段，片段無收音，但事主講述事發經過。一輛私家車在停車場內非常緩慢地行駛，事主在後只好慢駛跟隨，稱尾隨了2層都無響按或閃燈。不過當前車抵達停車場出入閘口前，私家車突然煞停及入後波倒車。事主於是響按，稱「佢無啦啦入R波(我當佢唔夠位)，咁我咪長咇話佢聽我喺後面囉，嚇到我都要退後，點知有個疑似阿媽嘅物體落車狂爆粗」。

中年婦人落車後大罵說：「揸慢啲唔得㗎，人哋P牌你咇乜X嘢！」，事主指看不到車身有展示P牌字樣，對方繼續狂轟：「後面吖嘛！咇咇咇」。事主於是反駁未見到P牌，對方才死死地氣說「喂，個P字跌咗落嚟」，要由車上另外一名乘客落車將P牌再貼上。事主說「我鬼知你係P牌」，婦人繼續死撐「跌咗之嘛！咇咇咇！」

有網民稱，「有媽的孩子像個寶」、「就算係P，佢都好廢下，呠下都嚇親？ 去搭車啦炸彈！」、 「老馮咁。落車講句唔好意思唔得嘅。係要講粗口，女人又點?咪又係開口埋口粗口」。