【維港會】白領放假朝早9時公司連環致電 網民勸拒接「做慣晒仲得了」

通訊科技方便令生活與工作之間的界限模糊，有網民抱怨，放假時早上9時已經接獲公司多次來電及訊息，大為困擾，於是問其他網民會否回覆。

「親子王國」網民透露，公司這段時間原本安排居家工作，近日放取年假準備去行山，早上9時正同事X就發訊息向她問公事，女事主覆了後下一分鐘同事Y又打幾次電話找她。女事主無視後繼續接獲來電，為顧及交情只好無奈接聽，結果對方問一些無關女事主的事情，只是同事遺忘了工作上事情，女事主都好有禮貌答對方，最後補一句，「呀同事X係咪唔記得我放假呀，今朝係咁WhatsApp我問公事」

當日下午上司又在工作群組召喚女事主，上司可能以為居家工作所以又另外留言，女事主繼續無視。女事主不滿，翻看更表已經知誰人請了年假，問的事情又不是緊急，而且可以其他在辦公室的同事跟進。「上次AB team又係咁，明明我WFH自己攞假，同事C又係9點就打嚟問嘢。」

其他網民留言，有人堅持放假就是放假，「唔覆住！三兩個鐘頭先覆！我都非常憎放緊假有人WhatsApp問公事！我都一定唔會人哋放假問佢公事！」、「唔係死人塌樓，我一定唔會係同事放假搵人問公事囉」、「唔會，放假就唔會睇公司嘢 ，做慣晒仲得了」、「唔覆住，亦唔會俾mark read, 費事俾佢知我已讀不回…覆時最多講句：放假出咗街睇唔到msg添。咁起碼果日都知放假唔會即覆」

但也有人寧願妥協，「我會照覆, 計較唔到咁多, 除非諗住唔撈」、「我會覆，之前做EA，放假去咗旅行，老細或同事都會WhatsApp 甚至打畀我，覆到我都盡量覆，唔太計較。」、「其實真係會唔記得, 尤其多下屬, 而家又WFH, schedule成日唔同，你可以喺group提佢哋你放緊假唔會成日睇電話, 講低一聲會好過ignore」。