【維港會】網民呻遭評頭品足 港女同事問：成個星期著同一對鞋係咪好窮？

俗語有云「人靠衣裝，佛靠金裝」，衣著打扮不但會影響個人形象，亦會影響他人的觀感。不過有網民近日在社交網站投稿，指公司有同事每日對他人的衣著評頭品足，「著咩佢都會有意見」，引起其不滿。

該名網民在facebook專頁「辦公室日報」投稿，指自己公司有一名女同事，每日都評論其他同事的衣著打扮，「著碎花裙，話你復古；著淺色衫，話你肥；著黑色衫，問你係咪送殯；著間條衫，問你係咪漢堡神偷」。

初時樓主聽完後未有理會，但發現容忍只會令對方變本加厲。直至一次，該名同事指樓主連續一星期穿著同一款鞋，嘲笑其家境貧窮，樓主終於開聲反駁：「其實著開一對鞋，鍾意日日著有咩出奇呀？你咁留意人衣著嘅？你唔做時裝設計走嚟做會計真係嘥晒」。

事件之後，該名女同事就未有再評論過樓主，但仍繼續談論其他同事的衣著。樓主稱，該名女同事其實本身衣著都「怪怪地」，估計可能是因為怕被人批評，所以先下手為強，「係一種自我保護機制」。

不少網民看到帖文後紛紛留言，指自己公司亦有類似的同事，「成日都對人評頭品足 」、「職場上有好多呢種人， 佢地怕人笑佢， 佢咪出聲踩低人先。」亦有人認為衣著打扮自己喜歡就可以「關佢咩事」，勸樓主不要上心，有人則笑稱「其實佢好自卑，我地要原諒佢，包容佢」。