【反車又爆炸】軒仔新歌《俏郎君》MV落重本 周家怡半裸激戰黃德斌

張敬軒昨日（7日）推出收錄了十七首歌的超級大碟《The Brightest Darkness》，而全新廣東歌曲《俏郎君》MV亦於同日上架，MV不惜功本以電影模式拍攝，並找來周家怡及黃德斌擔任男女主角。

MV全場6分零4秒，由一場車禍開始，男主角黃德斌命懸一綫，慶幸最後死唔去，但手腳受重創，嚴重影響生活及未能繼續當攝影師令生計受損。太太周家怡對他不離不棄，深信愛可跨過所有缺憾。兩人以為一齊捱過生死，感情會更加鞏固，但當黃德斌想揸車載老婆再去玩時，兩人不歡而散。

MV中，周家怡跟黃德斌有場激烈牀戲，穿吊帶低胸背心裙的家怡慢慢爬上床，跟早已在床等候的德斌熱吻，繼而除低吊帶裙半裸上陣，露出白滑玉背，連家怡自己都話好激，「唔係熒幕初吻，亦都唔係第一次拍牀戲，不過就係第一次拍咁激烈嘅牀戲。雖然係一場親熱戲，但有種悲哀感覺，我拍緊同睇playback嘅時候都有一種咁樣嘅感覺。」問到難忘場面，德斌表示：「呢個MV有咁大budget去製作已經好難忘，又火又反車，而家香港都冇乜MV有咁大製作、咁多資源去拍，睇得出係好有心嘅作品。」