【你就好啦】中《鬼滅之刃》毒吳業坤大阪拍劇場版主題曲MV

2021-01-08 19:00

日本動漫《鬼滅之刃》熱爆全球，不少藝人都中咗「鬼滅毒」，身在日本的吳業坤更與當地創作歌手高木洋一郎Cover了劇場版主題曲《炎》，以「大阪一日遊」作主題拍攝MV，只見坤哥在心齋橋及大阪城公園等地標遊走，又坐電車及食馳名章魚丸，相信好多一年去幾次日本的香港人睇完會非常葡萄！

另外坤哥又開心Share日文教學：「同高木洋一郎一齊簡單喺大阪拍咗啲同唱咗啲嘢，希望大家開心吓！日文ブラブラ的發音＝BURA BURA，即係我隻貓 RABU調番轉讀，類似周圍行吓咁解，用法係放工後同食飯前嘅時間無嘢做，自己一個人出去行下就會用ブラブラ（語感）。」Fans紛紛留言「睇咗當去咗」，又叮囑他快點「找數」出新歌。