化身女鬼搵蘇皓兒尋屍　余潔滢捱冷着背心短裙拍濕身戲

余潔滢（Zoe）繼早前演出ViuTV劇集《男排女將》後，最近又參演了另一套網劇《把砒霜留給自己》，並於其中一個單劇化身「女鬼」，希望好姊妹蘇皓兒（Chloe）助她尋兇。劇中，Zoe與Chloe飾演一對私影孖妹，未料Zoe卻遇害被殺，為尋找自己的屍體，她化成鬼魂留在Chloe身邊，希望對方可幫她找回「屍體」。Zoe直言今次拍攝相當有趣，又大讚Chloe是一個好Nice的女仔︰「拍呢套劇前我唔認識佢，都係拍攝當日先認識，就要演一對閨蜜。雖然今次只係拍攝一日，但我哋都幾有緣，一齊上戲劇堂，對佢了解多咗。」

談到此次是第二次拍單元劇，Zoe感謝導演劉翁於《黑市》後再找她演出，她坦言今次戲份未算多，但拍攝很難忘，更要「濕身」演出，Zoe說︰「因為劇中講我被殺後掉落水，有一場戲係我搵Chloe，佢開門見我面青口唇白，成身濕晒都幾恐怖，其實當時天氣幾凍，我戲服得超迷你背心短裙。」

此外，同公司的男模劉志偉於該網劇扮演變態殺人狂，自稱演戲「初哥」的他事前花了很多時間背熟劇本，他說︰「比較深刻嘅一定係我要殺Chloe嘅時候，小肥趕到將我制服嗰場戲，本來以為會有打鬥場面，點知變咗搞笑形式，都幾好玩。」