【獨家】Keep住33C「蜜桃胸」兼蛇腰陳庭欣愛衝浪消耗全身力氣

2021-01-14 23:12

由方紹聰(奶仔)主持的J2全新節目《野外步出》邀得一班TVB「小花」挑戰刺激玩意，考驗靚女嘅膽色。下周一（18日）晚輪到陳庭欣（Toby）大玩冇繩滑浪(Wakesurf)。擁有33C動感「蜜桃胸」嘅Toby，雖然身穿樽到上頸的長袖彩繒泳衣出鏡，但其貼身剪裁，加上修長美腿，突顯完美身形！Toby開心笑說：「男友楊振源（Benny）冇讚我索，只係讚件泳衣靚！」採訪：方騫平

內文：節目中陳庭欣收起性感冇晒身材，不過，出鏡嘅貼身泳衣就展現出她33C-22.5-35身段及美態，相當吸睛。陳庭欣哈哈大笑說：「多謝！因為平日都有做開運動，唔會畀自己過份肥，而且有玩開Wakesurf，花費好大氣力，可以Keep到全身，不過𠵱家冬天冇得再玩，所以肥咗。」

提到打頭陣嘅江嘉敏玩高空飛索，但hea足1粒鐘淆底唔敢飛，陳庭欣就冇江嘉敏咁驚青，「我前年夏天開始接觸Wakesurf，覺得女仔玩Wakesurf影相同拍片好靚。初期我試過跳落水時成塊板飛起，撼到我右眼對下顴骨位置，瘀到紫黑色咁，所以休息咗一段時間冇玩，直至去年夏天再玩番。今次只係挑戰難度邊滑邊舉住傘，不過，因為不停咁上水同埋跌落水，搞到個妝甩晒，上到岸對腳攰到抽筋，返到屋企痛到行到跛跛吓。」而陳庭欣最後接受「奶仔」訪問時，講番5歲半愛雀「Warawara」突然猝逝，及曾用4日時間尋回失蹤鸚鵡Shabushabu都有爆喊，「我人生冇乜大風浪，平平穩穩比好多人幸福，但Warawara突然猝逝令我好傷心，感受無論係身邊人同寵物，時刻都要好好珍惜。」