【十大中文金曲】鄭欣宜拎獎感激同事送驚喜 馮允謙：我終於得到金獎啦

鄭欣宜（Joyce）與馮允謙（Jay Fung）分別獲《十大中文金曲》女歌手獎銀獎、和CASH創作歌手獎金獎，因疫情港台昨晚只在電視及網上公佈結果，不設現場頒獎禮，各唱片公司均各自頒獎與旗下歌手。寰亞娛樂為給二人一個驚喜，同事們事前做足保密功夫，只通知他們回公司參加新年聚會。

Joyce說：「原先公司同事話返嚟係同事嘅大食會，完全唔知道有奬攞，剛才一入嚟見到真係好驚喜，十分感激同事嘅細心安排及努力，新一年我會更加努力。」

近日在3個頒奬禮上大豐收的Jay，親自接過獎項後即高興地歡呼：「我終於得到金獎啦！」他又說：「2020年有很多事情發生，音樂對我來講就是一種治愈。收到音樂獎項係對我好大嘅鼓勵，之前在叱咤頒獎禮得到兩個銀獎，加埋港台呢個金獎，我好滿足好感恩，多謝公司及各個電台DJ，最重要係歌迷嘅支持。」