【維港會】極品新娘強派帖追「人情」 同事夾份送禮反被諷

近年連婚禮人情亦有「公價」，而近日便有網民發文指，公司一名女同事即將舉行婚禮，在未有詢問的情況下便向全公司的同事派帖，更有意無意間提同事要準時交付「人情」，令網民大為不滿。

該名網民於連登討論區以「「極品新娘R（𢲷）人情」為題發文，指公司一名女同事近日結婚，更向全公司的人派帖，「係無問人去唔去酒席嘅情況下派哂帖俾公司所有人，就連啱啱入職一個月就無嘅同事，都要問佢哋拎人情」。網民又指該名女同事私底下不斷追問其他同事會否出席其婚禮，如無法出席的話便有意無意間「提醒」對方要交付「人情」。

網民稱因為疫情關係，婚期一改再改，「最尾改左係一個大家都要返工嘅時候搞」。網民與其他同事因上班而無法出席，於是決定送一份禮物給該名女同事，沒想到該名女同事竟親身到商店查看禮物的價值，「點知佢收到禮物之後就去鋪頭到check價錢同打電話去鋪頭問張單幾錢！！！睇下我地送俾佢既禮物總值幾多，然後再post ig tag哂所有送禮物同事，多謝咁多人送價值$xxxx禮物」。

網民指該名女同事為收「人情」使盡千方百計，「佢仲要逐個WhatsApp問，問到你覆為止，就連啲已經走左嘅舊同事又或者係好耐無見嘅朋友都要r（𢲷）同人講話可以轉數快收人情」、「最勁係佢仲要結完婚幾日再r（𢲷）老細要人情，派完帖r（𢲷），結埋都再r（𢲷）啊」。另外，有同事表示因家中有白事，不便出席婚禮，沒想到該名女同事仍然要求他交付「人情」。

網民又指她不時私訊人，假裝提醒別人餅卡的到期日子，實質卻是暗示別人未交付「人情」。當同事指已送禮物的時候，該名女同事反諷指「你地都幾多人夾份買禮物㗎喎」。

帖文一出，不少網民都指該名女同事「厚面皮」，「呢啲人真係難得一見」、「夾硬塞張帖俾你焗你俾錢佢，揸正牌打劫」、「俾我就禮物都唔送」、