【維港會】老公堅持用積蓄買新車 港媽不解：車緊要過小朋友？

擁有一輛屬於自己的私家車，為大多男士的夢想，但附帶開支亦相當大。近日有名新手媽媽在香港討論區發文分享，想辭職一心一意湊孩子做全職媽媽，期間以10萬多元的積蓄幫補生活，待孩子能上學就返回職場。原先老公贊成做法，惟日前突然反口，情願用積蓄買新車和聘請外傭照顧孩子，不希望港媽辭職。

該名港媽表示，與老公結婚兩年一直租屋住，夫妻合共月薪有5萬多元。雖然每月儲錢不算多，但日子可算過去。最近他們一家誕下新成員，港媽很想辭去工作，專心湊孩子一、兩年。養育孩子「一闊三大」，港媽想用這一、兩年儲下的10萬多元積蓄幫補一下生活，老公當時很支持。惟近日老公突然反口，提議聘請外傭照顧，促港媽繼續工作，用積蓄來買一輛家庭車。

港媽指自己知老公很喜歡車，一直想買，「不過買車幾十萬眨下眼就冇咗，我梗係極力反對！坐巴士地鐵唔好咩？點解要買車？」加上有孩子後開支大，還是供車、車位、車保，若車出現問題，又增添維修費。「我哋又唔係啲咩有錢人，買車嚟做咩？都唔明點解佢要買車！」

老公指，有車後帶小朋友出入都方便多些。港媽半妥協同意，但建議買二手車、舊車，希望降低買車費用。可是老公竟說「要買就一定係全新」，港媽知道新車至少要20萬，彼此都因此事經常有爭執。老公還說，若當年不是結婚用一筆錢，一早已把錢去買車，投訴港媽現在連少少東西亦阻止。港媽訴苦指，「而家我哋嘈緊究竟係要用啲錢嚟買車，定俾我做全職媽媽用，唔通一架車仲緊要過小朋友？男人真係咁鍾意車？」

有網民留言表示，「其實住都未搞掂諗咩買車，就算你繼續返工都唔可能俾佢買車囉」、「好明你心情，如果佢真係買咗，我應該嬲到唔想坐」、「如果冇買真係唔好買，真係好攰，養車」、「其實我想講，有MTR坐比買車更好成本更低更準時」、「車喺香港係消費品，唔會保值，仲有好多替代選擇」。