【維港會】在家工作被父母質疑失業 港男被逼租工廈扮返工

疫情下影響大批打工仔，有人面臨失業，仍有工開的或也需要在家工作。近日有網民在網上投稿指，由於長期在家工作，令父母以為他失業，更一直「碎碎念」，令他被逼搬走，每月多花2500元租住工廈，「我有時唔明，點解啲父母要迫得仔女咁辛苦呢？」

Facebook專頁「辦公室日報」最近刊登一篇網民的投稿，網民表示，公司在疫情期間多次讓同事在家工作，但他家中兩老不相信，反問他是否被炒而不敢告訴他們。網民的爸爸更斥責他「叫你畀心機又唔聽，以前成日請假去旅行，而家好啦！市道唔好一定炒你呢啲懶人先。」網民十分無奈，指以前去旅行是要清大假，卻被爸爸説成是懶人。

最近公司再宣布在家工作直至3月，因為有同事所住大廈有人確診。但大半個月不用回公司，父母一如以往懷疑他事業，「日鬧夜鬧，有時要打畀客，已經閂埋房門，佢哋都照樣叩門，照樣係咁叫，電視開到大大聲，完全冇辦法做嘢」。父母表示，鬧網民只是為他好，「覺得而家啲後生唔捱得，唔識得珍惜份工，放假即係對公司唔忠誠，冇盡力，因為佢哋以前嗰套就係咁，所以認為我哋呢代都要係咁，一份工就係要做一世，轉工就等於唔識得飲水思源，係反骨嘅行為。」

每日被兩老質疑失業，網民最後搬走，找到一間舊式工廈的分租辦公室，每月2500元，80呎，無窗無廁所，簽了3個月，要付7500元，而且不提供傢具，令網民覺得自己「好折墮」，「希望其他人唔好有我呢啲遭遇，希望啲父母唔好再迫死仔女啦！未經歷過嘅嘢唔代表冇，時代唔同喇，唔好再成日講以前啦！」

不少網民留言表示理解，「『我為你好』真係難聽過粗口」、「啲父母好鍾意自己唔知道就認定一定無」、「對住父母有時解釋冇咩用，因為都冇與時俱進一下，覺得要搵錢一定唔會坐係屋企，但其實有好多工作只要有電腦上網工作到」。