【病情好轉】聲沙致電車淑梅報平安　余慕蓮已除喉管：而家咩都想食

現年83歲的余慕蓮（魚毛）去年10月底，因肺纖維化被送往伊利沙伯醫院ICU留醫，情况一度危殆要插喉呼吸，幸最後脫離危險期，其後轉到九龍醫院繼續接受治療。魚毛姐至今已住院3個多月，由於她仍未能自行進食，一直要靠插喉管輸入流質食物和營養素，故暫時只能臥牀，出院未有期。

魚毛姐的好友兼資深DJ車淑梅今日在網上發文，表示很開心收到魚毛姐來電，告知她雖然目前仍在留醫，且不能進食，但可以打電話向大家問好，車淑梅寫道：「她說會努力康復，再和大家見面！請魚毛姐好好休養，好人有好報，一定很快全面康復！」接受車淑梅電話訪問時，魚毛姐先向大家報平安，雖然魚毛姐在電話中的聲線沙啞，但仍可清楚聽到她的說話，表示3、4天前醫生已替她除去喉管，魚毛姐說：「希望早啲可以食嘢，而家只飲流質，希望可以食嘢之後有力起身，而家只能臥牀，大小二便都只靠尿片，而家有電話畀我用已好開心，我打咗十多個電話畀朋友！」

問到最想吃甚麼？魚毛姐表示：「咩都想食，幾個月唔食得嘢，同房嘅病人有早、午、晚餐食，但我就唔食得，因為醫生驚我吞錯格。（醫生有冇話幾時先可以進食？）醫生話要等營養師睇吓我識唔識吞嘢食，怕我會啃親。」並謂臥牀數月致背脊損晒，現時亦有做物理治療，視乎情況及可進食後才可出院。最後，魚毛姐再向大家報平安說：「多謝你哋關心，希望快啲出院。」