36年前參加新秀輸俾杜德偉 56歲郭政鴻重返樂壇出新歌
2021-03-02 11:30 
敖嘉年主持直播音樂會《星級靚聲演唱廳》，請來好友郭政鴻擔任嘉賓。敖嘉年笑言以往與郭政鴻合作，話題主要圍繞功夫和演戲，今次首度暢談音樂。原來郭政鴻曾參加1985年《第四屆新秀歌唱比賽》，今次敖嘉年便邀請他上來演唱當年參賽的歌曲《夏日寒風》，兩人更會合唱多首張國榮的經典歌曲。
郭政鴻表示：「當年參加新秀好後生，所以咩都唔驚，同屆有李克勤、蘇永康、杜德偉、草蜢和周慧敏，最後由杜德偉攞冠軍，我當年就係輸在唱得唔夠好。」郭政鴻去年推出新歌《衝》，問到他是否想再戰樂壇，他說：「因為疫情好多工作都停哂，其實呢首歌擱置咗幾年，當時喉嚨生繭唱唔到，之後又開工拍劇，唱歌意慾減低，舊年發生疫情令我諗起首歌好正能量，依加負能量咁多，所以想試吓唱正面嘅歌。」
郭政鴻去年曾為新歌在內地舉行發布會，而這首歌更成為順德足球協會會歌。問到他會否再推出其他歌？他說：「未有打算，睇吓係咪好趕客先，同古生（古天樂）爭一日之長短，講笑！」之後他又自嘲不會走偶像派路線，而是「實嘔派」路線。
關鍵字
最新回應