【維港會】媽屢擅自拆信翻袋 工作數年網民不滿無私隱

有網民在「香港討論區」表示，出來社會工作數年，但媽媽經常擅自打開信件及翻看隨身袋，令他覺得不滿。

網民投訴，出來工作兩三年，明明是他的銀行信、信用卡信、公司信等，媽媽每次都會向他抱怨「做咩碌咁多卡呀」、「銀行咁多錢做咩唔畀多啲家用」等。他已經多次提醒不要再拆開信、偷看私人信件，但媽媽依舊不改。

網民透露，媽媽近日更趁他不留意就摷隨身袋。有幾次他去完廁所見到媽媽正在搜看物品。

他指，「為咗唔衝突，我已經袋不離身，我以為佢咁會知有問題，點知琴日Day off同佢出去食飯，我一時大意放低個袋，返嚟已經見到佢又摷緊」他不解為何媽媽總是喜歡搜看他的物品，「我又唔係冇同佢分享，佢問乜我都有答佢呀，到底有乜咁好奇呢？」

有網民認為，「我以前都會睇阿仔啲嘢，不過升到中學就無啦，要信任，同埋有私隱、「我都係兩樣都發生過，私隱嚟嫁，佢地覺得我有咩秘密唔可以畀佢哋知」

有人建議，「用e-statement，用埋電子支付，連碌卡單都唔洗keep。」、「你唔直接問下佢？再唔係開個私人信箱，試下扮摷佢個袋，但佢知道咩感受」、「你阿媽已經習慣摷你啲袋，應該由少時書包開始，要佢改依個習慣真係會好難，嘈！只會傷感情，可以考慮試下你摷返佢啲私人物品，仲要一定要俾佢知，如果佢唔鬧你就真係無符了，佢鬧你就可以同佢講依啲係討厭行為，大家都唔好做」。

但也有父母是例外，「我仔16想我日日幫佢睇埋WhatsApp, 因為學校有咩要交帶都在WhatsApp, 佢成個袋及電話任我睇，我反而唔想睇」。

帖文轉載自「香港討論區」