【維港會】港媽產後復工日泵3小時人奶拒OT 上司不滿欲借同事施壓
2021-03-07 09:44 
不少媽媽為了生計，在產後都會重返職場工作。有網民分享，一名女同事產後復工，但一日要泵奶3次，每次需一小時，也拒絕加班。上司對此感到不滿，為向該名女同事施壓，上司欲將女同事未完成的工作平分給其他同事，希望藉此惹起眾怒。
有網民在網上討論區「親子王國」上，以「辦公室泵奶風波」為題發文，表示公司所有同事的工作量都很大，近日有女同事產後復工，卻每天都在工作期間去泵奶，一日3次，每次需花一小時，「食飯一個鐘，早餐半個鐘，一日上班時間9.5小時，計返工作時間只有5個鐘。」
上司對此大感不滿，於是要求該名女同事須在限期內完成工作，不過她卻認為上司是故意刁難。該名女同事向其他同事訴苦，而樓主就勸對方加班完成工作，「最起碼urgent（緊急）嘅，OT（加班）都要做咗佢」，但女同事就以「掛住個仔」為由，斷然拒絕加班工作，堅持要準時下班。
結果，公司氣氛被上司及該名女同事弄得非常緊張，而上司更準備將女同事堆積的工作平分給其他同事，令大家工作量大為增加，「用意係畀群眾壓力佢」，令樓主慨嘆「而家日日活在上司炮火中。」
帖文引起網民熱議，不少人都認同上司的做法，又質疑該名女同事泵奶時間過長，「泵奶唔洗下1個鐘吧，每邊15分鐘，比埋準備工夫40分鐘乜都攪好啦」、「咁都唔炒，你個老板（闆）真好人」、「其實又係嘅，唔係唔想體諒，咁你用咗辦公時間做自己嘢，OT做返都好應該吖，泵奶唔係大曬囉」。
不過亦有網民同情該名女同事，更表示曾經亦有類似經歷，「我試過泵一個鐘，因為有時壓力大，成日塞，要推鬆佢，一身汗，又一臉淚。剛生產完，真係好掛心孩子，放工想立刻跑回家……不是個個泵奶好快又好順，工作、家庭、餵奶生活好辛苦的。如果同事之間可以，互相支持一下吧。」
另外有媽媽級網民提議一些方法給該名女同事，包括一邊泵一邊處理文書工作等，「每次泵連準備收拾大概40分鐘，但可以一邊泵一邊對住電腦做嘢，會就返返工時間早啲喺屋企泵完一次先返工，lunch time 時又可以泵，亦會做完自己嘢先收工」。
親子王國原文
最新回應