【5歲女童虐死案】親兄指妹妹日日被父打褲染血 身上流膿有臭味無睇醫生

5歲女童在2018年疑遭親父及繼母虐待致死案今於高等法院續審，控方在庭上播放當年的錄影會面紀錄，就讀小三的8歲女童親兄指，妹妹自3至4歲起便遭親父打，「日日曳就日日打，隔日曳就隔日打」，而妹妹在褲子上曾出現黑色血汁，親父及繼母二人曾指妹妹身上流膿並發出臭味，但沒有帶妹妹去看醫生，決定在家自行消毒了事，而妹妹在死前一天仍被逼玩「飛高高」和「扮超人」。他指自己曾被藤條打並被剪刀「篤」心口，他認為「自己做錯事，要受到教訓，要自己承受」，但自己被打後即使傷口痛亦不敢哭泣，「因為爸爸話男仔唔可以喊，爸爸最憎依啲人，我唔想爸爸覺得我係個啲人」。

女童Z的親兄X現年11歲，控方在庭上播放X在3年前與警方會面的錄影片段，X當時指Z在2018年1月5日晚上，親父及繼母要求Z在客廳兜圈走路，二人「叫Z行快啲」，但Z卻慢慢行，親父便與Z玩「飛高高」，即是親父抱起Z雙手抓住Z腰部，望向Z再把Z整個人向上拋，讓Z的身體輕輕碰到天花板，再接住Z ， X形容「感覺好似係飛機跌落嚟咁」。X記得親父當時把Z拋起18下，「妹妹好驚⋯有喊⋯有嗌」。然後父母再跟Z玩「扮超人」，即是父母每人抓住Z一隻手一隻腳，不斷左右搖晃，直至父母滿意為止，X指：「妹妹好驚，但我唔敢叫停，驚俾爸爸媽媽打」。X當晚亦有玩「飛高高」4下，X堅稱：「媽媽叫爸爸俾我試下個感覺，唔係想嚇我」，而X指玩「飛高高」時父母看起來十分高興，「話搵番童年回憶」。

X憶述當晚親父、繼母、繼母與其前夫所生的女童Y，三人在客廳吃飯時X及Z二人未能同枱共餐，「因為個時我哋曳，佢哋食先，我哋之後食，多數佢哋食剩啲餸俾我哋食」。X指兩兄妹「瞓睡袋多過瞓床，差唔多日日瞓睡袋」，而睡袋放地上近屋內大門口的位置，當晚Z在客廳兜圈走路時經常「扮跌倒」，令父母罰Z當晚「無睡袋瞓，無被蓋」。X憶述在2018年1月6日早上，親父及繼母二人醒後到客廳「怕妹妹冷親，想俾番件衫妹妹著，但爸爸媽媽話妹妹突然暈左無呼吸，爸爸好心急，跟住報警同Call白車」，而Z被送到醫院時，家中沒有人可以照顧X，所以X亦被一同帶往醫院。

法庭記者：劉曉曦