【維港會】飲湯驚見過百條蟲 疑苦瓜放太耐生蟲

不少人試過家中擺放食物太久出現變質或發霉的情況。近日有網民在社交平台分享，自己飲了一啖苦瓜湯，才驚覺湯內有過百條蟲，負責煲湯嘅人都無發現，懷疑放得久而生蟲。

有網民於《Day Day Explode 日日爆》專頁分享指，有日放工回家後，家中剛剛煲好湯，正當他飲了一啖才發現煲湯裡面有過百條蟲，該網民即場被嚇一跳，之後才發現原來湯中放了苦瓜，苦瓜疑似放得太耐生蟲。該網民表示一開始以為只是湯料，再認真望，發現形狀與蟲十分相似，才驚覺整煲都是蟲，他更表示煲湯嗰位都有份飲！最後要將整煲湯都倒掉，該網民慶幸因碗湯剛煲好太熱，所以只淺嚐一口。

貼文一出引起網民熱論，不少網民都有相同的經驗，感同身受。有網民指，「曾經樽豉油擺太耐生蟲，好彩無食」、「我屋企人之前煲湯落西蘭花都係咁....」。亦有網民則關心苦瓜的味道，「苦瓜湯聽到都唔係好想飲」、「接受到食苦瓜同接受到食生蟲苦瓜又係兩個層次」，有網民更笑言，「苦瓜乾都生蟲，咁屋企D蟲蟲都過得好苦其實!」

資料來源：Day Day Explode 日日爆