【4月有得睇】《Undercover》池珍熙隱藏國安身份27年 前人權律師老婆金賢珠有蠱惑

由池珍熙及金賢珠主演，緊接《怪物》4月有得睇嘅 JTBC劇《Undercover》海報今日公開。海報中的池珍熙用手遮樣，但手指罅可窺探佢個樣，眼神好凌厲感覺非常正氣。

劇集改編自16年的BBC同名英劇，由《又，吳海英》及《The Beauty Inside》的宋賢旭導演執導，白哲賢、宋子勳及鄭惠恩編劇聯合執筆。劇情講述韓正賢(池珍熙飾)曾任國家安全企劃部特務，隱瞞真實身份27年，以假身份低調生活。而佢老婆崔妍秀(金賢珠飾)係前人權律師，現為韓國高層公職人員犯罪調查處處長，然後男嘅懷疑女嘅有問題，最後更為正義而展開一場惡鬥。