驚打完疫苗冇機會再見家人　黃婉君帶囝囝行山睇最後日落

前女子組合2R的兩姊妹黃婉君（Rosanne）與黃婉佩（Race）淡出幕前多年，一直專心在家相夫教子，做幸福少奶奶，還不時在社交網分享家庭生活。昨日，Rosanne於IG上載一輯母子行山的照片，相中見大仔白迅（Dylan）全程拖實細佬白晨（Daniel）行，經過凹凸不平的石路時，Dylan仲一路傍住Daniel，恐防對方跌倒，非常體貼。最後三人在夕陽下合照，兩個寶貝仔更向媽咪獻吻，相當溫馨。

疫情下，父母們不但要照顧子女，還要擔心自身的健康，壓力很大。Rosanne透露為了自己及家人的安全着想，她昨午決定去接種疫苗，而事前就帶囝囝去行山睇「最後的日落」，為何是最後？Rosanne以英文留言解釋：「其實我好驚去接種疫苗，我擔心自己嘅身體會出現不良反應，亦好擔心再冇機會陪伴囝囝。我知道而家聽落好蠢咁，因為我接種疫苗後狀況非常好，但作為媽媽（假如你都係，你就會明白），冇嘢係珍貴得過同寶貝仔女一齊。」今日Rosanne再分享了兩兄弟在夕陽下相擁的照片，二人望着對方甜笑，十分可愛。

另外，妹妹Race昨日亦在IG分享與囡囡Cara的溫馨合照，相中兩母女穿上米色親子裝，懷有8個月大身孕的Race頂着孕肚親吻囡囡，她更以英文撰文表達對囡囡的愛意，盡顯母愛。