【維港會】網民飲茶叫灌湯餃「獨食」 遭同事黑面單打批自私

不少打工仔都會與同事共進午餐，增進感情。近日就有網民於討論區上訴苦指，與同事一起飲茶時，想叫一籠灌湯餃，再自行付款。惟灌湯餃一到，同事們立即黑面，出言單打，「灌湯餃即係自私餃，啱自私人自己食呀。」面對同事批評，網民頓感委屈，「佢哋想點呀？」

有網民於「香港討論區」分享，與同事一起飲茶時，突然好想食一籠灌湯餃，所以遂向其他同事詢問，並解釋會再自行付款。當時同事沒有回應，該網民亦照常點單。惟灌湯餃一到時，同事們立即黑面，更出言單打，「灌湯餃即係自私餃，啱自私人自己食呀。」令他感到大感委屈。

該網民訴苦指，事前已明確詢問，並表示會另外付款，卻對於同事的反應十分不解，「我明明已經問過，又講過我會自己比返錢，問佢哋又唔應，送到嚟又要嘈」，「同佢哋講埋單我比返份錢，佢哋又話唔洗，佢哋想點啊？」

帖文亦引起網民的熱論，有網民留言支持該名網民的行為並無不妥，「你都自己俾返自己份，啲人仲要嘈，咁樣一齊飲茶有咩意思……」，亦有網民指問題不在於灌湯餃，而是不合群的表現，「似乎問題不在於隻餃吧」，「證明你喺圈外人」。

有網民斥叫灌湯餃獨食的行為無禮貌，「我出左黎做野廿年，老老實實，我真喺未見過人飲茶叫啲野自已一個人食，你話就話自己比錢啫， 咁唔通人地真喺扣左份嘢嘅錢，再除啊，大家成年人，咪整到好小家咁囉，如果多啲同理心，就唔會咁做」！

資料來源：香港討論區