梁君彥指泛民無袋住先「真係蠢」 料政局回穩仍逐步達普選

立法會主席梁君彥接受無綫電視訪問時表示，只要香港政局回穩，仍可按《基本法》達致普選；不認為削減直選議席，等同民主成分減少。

梁君彥指選舉制度有待中央決定，但相信如建制派繼續佔議會多數，也會理性議政。梁君彥表示：「議會不能夠係清一色或一言堂，或者個個都係舉手機器、橡皮圖章，政府議案唔睇就照辦煮碗，唔會嘅，甚至全部係建制派，你都睇到詞鋒相當銳利。」

對於直選議席減少，梁君彥認為：「唔係話我有好多人係直選選出來，就係民主。而係睇議會係咪真正幫市民做事。我哋議會嘅議員，就算唔係直選選出來，都會問好多民生嘅問題。」

梁君彥指，回歸後3次政改也有一次成功，認為中央日後會視特區政局，容許政制向前。梁君彥在訪問中說：「個陣時嘅人無『袋住先』就真係蠢。北京動咁大手術，你估佢好想去做咩？阿爺係咪睇住啲孫自相殘殺、攬炒？睇下你啲孫兒生唔生性囉，生性嘅真係曉做、做得好，我唔覺得中央會唔畀我哋一步步按《基本法》去做。」

梁君彥表示，會議廳原本設計就可以容納120位議員，正在草擬方案，日後會交由行管會通過，再由政府建築署跟進，目標是增加10張桌椅，令會議廳可以讓90位議員坐得下。