為浪漫情歌拍ＭＶ演獨腳戲　譚嘉儀演繹墮入愛河心甜感覺

譚嘉儀早前為新劇《愛美麗狂想曲》主唱的片尾曲《Falling in love》拍攝MV，嘉儀再次跟歌曲《Can You See》及《Can You Hear》的創作班底合作，打造了這首全新的英文浪漫情歌，演繹出女生墮入愛河時的一份甜蜜。

第4次主唱英文劇集歌的嘉儀，感激監製、導演需要搵人唱英文歌便想起她，她說：「最緊要出嚟嘅效果大家滿意，自己真係好鍾意唱歌，有機會唱歌就開心。」雖是一首甜到漏的情歌，但MV中卻要演獨腳戲，嘉儀笑道：「導演拍攝時不停咁叫我『冧啲冧啲嘅儍笑』，佢話戀愛時一切都係美好嘅，自己一個人喺屋企，無論做緊乜都會諗起情人，都會有種心甜嘅感覺，想個MV 令人feel到嗰份心動。」