【維港會】後生男女著皮鞋牛仔褸行山 行15分鐘即呻攰打卡落山

不少港人現時都愛上了行山，多吸收大自然的新鮮空氣。不過近日有網民大呻行山遇到一對新手男女，指男子身穿牛仔外套、牛褲及皮鞋行山，而女子則行了15分鐘便喊累，令網民抱怨「都唔明呢啲人上山係做乜」。

該名網民周二（23日）在「香港討論區」發文，指早前與同事相約行大東山，其中一名同事表示想帶多一男一女同行，事主不以為然便同意了。但當他目睹一男一女的衣著時便發現不對勁，「男個個，GEL行晒頭，AllBack 、立立令，然後上身牛仔褸、下身Slim Fit黑隻牛仔褲，最大件事係佢竟然著左對Dr.Martens！」。

事主直指大東山869米，全程需時4至5小時，穿着皮鞋根本難以步行，「我地都忍唔住問：『你真係OK？』，佢即刻自信滿滿話平時做開運動，今日EASY JOB，最緊要影靚相」，令事主大感無奈。

至於另一名女子雖然身穿一身運動裝備，不過出發後始發現她連水都沒有帶，事主質疑「邊有人行山唔帶水架」。事主又指女子行了大約15分鐘後便喊累，又不斷表示自己是為了影芒草才行山，事主直斥「大佬啊，你而家先係山腳咋，芒果都無得你食啦」。

結果在完成接近一半的路程後，他們2人不斷拼命拍照打卡，又直言任務完成，要先行離開，事主無奈稱「明明成程一路行就叫生叫死，係咁問到未，著住件牛仔褸個個濕到成身滴水都唔肯除左件嬲佢，都唔明呢啲人上山係做乜」。

帖文引起不少網民的熱議，亦有網民分享曾遇過的奇怪山友，「我見過有人著高踭鞋上山添呀」。

資料來源：香港討論區