【維港會】連續兩周末被鄰居嘈醒 馬鞍山街坊怒斥：結婚大晒㗎？

家居噪音騷擾已成了不少港人的困擾，若遇上鄰居準備人生大事時，忍耐一時亦無可奈何。近日有馬鞍山街坊於網上發文投訴，指連續兩個星期日早上受到鄰居準備婚禮的儀式騷擾，忍不住直斥，「結婚就大晒㗎啦？」帖文隨即引起網民討論。

有居住在馬鞍山的網民於「馬鞍山之友 @ 36着之走為上着」社交網站Facebook群組發文投訴，指其居住的花園近日不時有人結婚，由於婚禮的儀式要大清早開始進行，「新郎哥新娘們『兒』，你好唔好意思㗎？呢度係民居唔係畀你大吵大鬧」，他續指，有居民需輪班工作，作息時間不定，認為結婚非影響他人的理由，更稱「連續兩個星期日朝早8點嘈醒晒」，「你結婚就大X晒㗎啦？」。

帖文隨即引起網民的熱論，有網民認為結婚為人生大事，勸樓主亦不應過於計較，「結婚就忍一忍啦，人生大事嘈嗰一次」，「結婚都係人生大事，你住嗰度又唔係一年365日都有人結婚，睇開啲放鬆啲啦香港人」。

亦有網民認為早上８時非《噪音管制條例》內管制時間亦沒有觸犯法律，因此鄰居的做法沒有問題，「呢件事又唔係8am裝修滋擾到你，人哋都無犯《噪音管制條例》」、「一日到黑都有人瞓，乜都唔做得啦，唔使裝修丶結婚丶搬屋」。

資料來源 ：馬鞍山之友 @ 36着之走為上着