【維港會】港女生腫瘤或要開刀 斥男友陪覆診全程打機懶理

患病時家人朋友的支持尤其重要。一名網民照到體內生了腫瘤，或要全身麻醉進行手術，近日她由男朋友陪同到醫院覆診，但男友全程打機懶理，最後更離開醫院留下網民一個，令她相當委屈。

該名網民於Dcard討論區上以「扔低我一個喺醫院」為題出帖，她指自前早前身體不適到急症室求醫，照到體內有腫瘤，當時醫生告知她一定要全身麻醉開刀，令她很擔憂。

到前日，她的男友陪她到醫院覆診，但當日求診人數較多，「3個幾鐘都未到我」，於是男友就在旁邊打機，但她認為「我都體諒嘅，等咗咁耐都悶」。

看醫生時，男友因醫生未到繼續玩手機，當網民向他表示「好緊張」時，他只望了兩眼但未有出言安慰。

離譜的是，當醫生開始講解病情時，「佢都一直喺度玩手機」，網民隨後再表示害怕要開刀，但男友仍未有理會，只是「望咗我一眼笑咗兩笑，然後低頭玩手機」。

網民最終難忍男友的態度，斥「你玩完未啊？呢個係你陪女朋友黎睇醫生嘅狀態咩？」

男友被斥後生氣指，「我已經陪你嚟，咁等嘅時候又冇嘢做」，網民於是再斥「等嘅時候你玩冇問題，我話我緊張，問題係我話我好驚你都仲玩緊啊！」

事後其男友竟離開醫院，更表示「我返咗屋企了，你要返去自己返」，令網民大感委屈，「我想問吓我呢個要求好高咩？係咪我要求太多？」

帖子引起網民熱議，網民紛紛安慰樓主，又斥其男友的行為，直指「玩冇問題，但好唔好唔好一副唔關你事嘅樣？起碼醫生講解嘅時候可唔可以放低電話」、「你態度同要求都好正常，唔使懷疑自己，完全係佢問題，得罪問句佢升中六未，完全無尊重你」。

最後網民亦祝福樓主早日康復「希望樓主可以快啲好返」。

資料來源：Dcard