細女有份拍抗疫電影 谷祖琳讚囡囡淡定有天份

谷祖琳（小谷）出席跳舞學校開幕禮，她表示現年8歲的大女劉心和6歲的細女劉悅有學習爵士舞及芭蕾舞外，亦學拍攝技巧，更大讚細女有天份。她說：「她會拎我手機玩自拍，亦有學細結他會自彈自唱又作曲，她好有表演慾，仲試過在我唔知情下拍了我變做主角，將片段掟去家庭群組。」
小谷稱細女有份參演抗疫電影，由於當時導演尋找小演員要似男生的女孩，就覺得細女好適合，便速成今次演出。她說：「我好驚喜細女咁淡定，她讀國際學校講慣英文，我成日跟她練中文對白，她真係全部記得晒，亦好鍾意睇到大人做咩就會做咩，學人睇playback，因為見一cut機時薛凱琪、陳家樂都係咁，就認為呢個係指定動作。」小谷坦言若有機會可讓細女再嘗試演戲，但不會刻意，本身也是從事演藝工作，所以認為演藝也是一份工作，只要女兒覺適合，不阻礙學業便可。