被網民轟罔顧安全為呃like 湯怡佗「巨肚」倒立惹負評

現年33歲的湯怡於今年1月宣佈奉子成婚，並於元宵佳節正式下嫁星級排舞師麥秋成。目前佗B約5個月的她，不時於社交網分享大肚日誌，繼上月中貼出晒「巨肚」做運動照後，昨日她再上載一張倒立做瑜伽照，並留言：「今日天陰陰，心情都爭少少，做下（吓）運動拉下（吓）筋，開心返（番）😀，大家請放心，我懷孕前一直有做 #headstand，而家都係有麥生喺隔離，安全情況下先做，孕前未學過嘅準媽媽，記得唔好亂做啊！」

話雖如此，但見相中穿運動Bra top挺孕肚的湯怡，成個人倒轉兼面部沖晒血，真係戥她緊張，不少網民都留言勸她不要做此「危險動作」：「雖然話一直有做，但意外嘅嘢冇人想，做媽媽嘅就要顧慮埋你肚內嘅小生命啦」、「希望為咗bb着想。不要再做危險動作啦。知道你做開運動都係咁話，無必要為咗呃like而做」、「我見過啲孕婦倒立係挨住牆做，咁樣安全啲，but未經訓練的不要模仿」等。不過對於網民的擔憂，湯怡至今仍未有任何回應，今日凌晨還於IG Story分享與老公的「情侶鞋」照。