【維港會】獲聘政府助理文書主任 大學生：應否退學搵多2年錢？
2021-04-12 09:31 
應否在大學時期為一份政府「荀工」，而放棄大學學位？有大學生表示，自己正在非「三大」就讀「乞食科」2年級，近日收到政府助理文書主任（ACO）的錄取通知，正猶豫應否退學，然後「提早搵多2年錢」，遂詢問一眾網民的意見。
一名20歲的男網民早前在網上討論區「連登」上，以「8大乞食科yr2收到aco offer應否quit u」為題發文，指自己正在本地大學「八大」就讀純學術科2年級，形容是「乞食科」。他又自稱成績平平，中英文都「麻麻」，平時上課的學術匯報會「腳都震」，為人亦不擅社交，令他感到前路茫茫。
樓主指，早前報考政府助理文書主任（ACO）一職，近日竟成功獲聘，起薪點為15,500元，令他猶豫應否退學投身職場，「計過我同屆同學U grad（大學畢業）時，我已經跳到17.7K（17,700元），仲提早搵多2年錢。」不過他的父母就不認同他放棄大學學位的決定，指「仲有2年」，理應「讀埋佢」。
網民的反應兩極，有網民認為機會難得，鼓勵樓主一試，「做咗先，之後take part time degree（兼讀制學位），三十歲前你就升CO（文書主任，Clerical Officer），到時4萬月薪」，「認真，quit（退學），我讀緊poly 『3寶』（三大治療科）都覺得ACO呢份工唔錯，你諗下你畢業之後可以在私人市場做啲乜」、「首先讀書係爲咗搵份好工，讀書機會容易得到過工作機會，咁多大學生都爭一個ACO位就知」。
亦有人認為取得大學學位，對樓主的前途較有保障，勸他應先努力取得學位，「Quit 嘅話，你呢世都只係一個ACO，唔好quit，畀未來嘅你多啲選擇」、「讀埋佢先啦，唔急，你quit完得中6學歷 將來想讀返就麻煩」、「大學畢業考AO（政務主任）、EO（行政主任）仲好過啦」、「有degree唔讀埋佢，搵多嗰兩年錢有X用咩」。
資料來源：「連登」
最新回應