貼舊照悼念公公離世 林德信感恩成長路上有對方陪伴

林德信（Alex）與公公感情深厚，昨日他在IG分享多張舊照，透露親愛的外公已經離世。舊照記錄了Alex從兒時到長大後與公公相處的畫面，其中一張Alex撐着傘為公公遮風擋雨，而公公則扶着Alex的手臂，場面感人。

Alex分別以中、英文悼念公公：「公公我好感恩你一路陪我成長。細個嘅時候當我瞓唔到覺你會坐喺我床側邊拍拍我隻腳直至到我入睡。每日送我返放學煮好多嘢俾我食。到你變老嘅時候有病我就坐喺你張床側邊幫你做按摩，每個禮拜日就會同你食飯。」

Alex向來愛錫公公，亦好珍惜與公公相處，不時在社交網分享與公公的合照，他留言：「我覺得自己好幸福。多謝你比我呢個機會將所有你比我嘅愛還返俾你。多謝你照顧得婆婆咁好。」Alex表示會永遠記住星期日與公公共進晚餐的美好回憶，最後感性留言：「我會好掛住你。 Rest in peace」