【自揭黑歷史】20年前做救生員舊照出土周柏豪再Po騷肌相玩勵志

2021-04-30 17:30

模特兒出身的周柏豪操到成身肌肉，所以一向喺演唱會唔孤寒會大晒fit爆身材。柏豪在社交網自揭「黑歷史」，他上載了一張20年前自己在將軍澳泳池當救生員的照片，點解咁傻呀?好彩佢即以一張19年開演唱會的半裸爆肌相作對比，原來玩勵志。

柏豪留言：「網上突然出現01年舊照一張，差不多20年時間的對比，改善身形的成功個案。」相中可見，柏豪與拍檔齊齊拉高背心展示身形，後生的柏豪皮膚黝黑，身型瘦削，留着一個「怒髮衝冠」的箭豬頭髮型，更擺出咬唇表情，真心幾嚇人。連詩雅留言大笑，而Super Girls成員Jessica亦笑指柏豪的髮型像卡通人物Ｍochichi，柏豪笑指自己正是以Ｍochichi作參考，王賢誌留言：「我實在冇辦法唔笑爆！」柏豪回應：「笑完早啲瞓，哈哈！」