林作出賽怨被阿媽冷落三十幾年 裕美爆男友絕招搞到梳化裂開

林作接受個月多拳擊訓練後，今日首度參與「Energy Fight 2021」拳擊業餘賽，與對手黃明雋一較高下；女友的裕美亦陪伴到場觀戰。不過林作的體重超過2kg， 以負兩分出賽。
對於男友林作出賽，裕美表示很有信心，並不會死，不死已經當贏，又讚對方近月好勤力早出晚歸去練拳，以前的肌肉鬆馳，現在身形變得大隻好吸引。談到可會擔心男友被對手打？她笑說：「 我有見過佢對手，好似得16、7歲生得好細粒，林作唔好打人要害，人哋打佢無乜所謂，打人要賠錢。（驚不驚男友被打面？）鍾培生更加唔靚仔啦！其實我本身鍾意靚仔，佢誠意打動我，先同佢一齊。但我見到佢咁勤力都好感動。」她透露跟男友在家中有練拳，但不夠她打，「因為女人發癲上來力量好勁，自己喜歡摑打他面部，因為個頭夠大，但他有一招會坐在我身上，搞到梳化都裂開。」

出賽前的林作表示，女友一向對他有信心，但信心是自己給自己。至於拳擊的必殺技則不能透露，亦不驚被打面。他說：「今日我會戴頭套，但不可以戴眼鏡，不過我從來都無睇清過，我的人生在糢糊度過。」林作又指媽媽每日只報告行蹤同洽談大生意，對他來講好囂張，當作刺激他的鬥志，雖則在社交網透露練拳進度，但媽媽沒有給予意見，因為媽媽冷落了他三十幾年，造就他扭曲的人生。他說：「我諗佢連我今日做乜都唔知，晚晚風花雪月。」他又指因自己疏忽超磅2kg，以負兩分出賽。