音樂劇組夾埋送生日驚喜 陳明憙興奮門票售罄為慈善出力

5月2日是陳明憙(Jocelyn)的29歲生日，因為音樂劇《攜手瞳行慈善音樂劇場》即將公演，壽星女未能放假之餘，正日生日更要回到新蒲崗的排練場地操練，務求演出時做足一百分。過去一個月，音樂劇的台前幕後每日對戲、練歌、練舞、排走位因而建立了深厚感情，主辦單位知道明憙生日，聯同明憙的父母製造驚喜同壽星女賀壽。

當日眾人如常回到排練場地，有份主演的黃劍文穿上事前準備的西裝外套，手持鮮花，帶領台前幕後共三十多人一齊唱生日歌，壽星女一嚟唔及切反應，待心情平復才懂取笑黃劍文差點被他「Chok親」。

Jocelyn說:「真係搞到我紅都面晒，仲有三個蛋糕，當然女仔收到花會特別開心，其實我每年嘅生日願望都係一樣，唔想再有虐待動物嘅事發生，今年多咗一個，希望音樂劇能夠演出成功，我剛剛都收到消息，兩場門票已經賣晒，因為成個show係為慈善籌款，亦啟發到我會有更多諗法，究竟可以點樣幫到身邊有需要嘅人。」


明憙近年考獲音樂治療師資格，幫助了不少朋友解決失眠、情緒等問題，將於六月推出新歌的她，希望將音樂治療融會流行音樂，讓更多人認識音樂治療的好處。