【維港會】奶奶狂催生仔 要脅新抱：唔生就叫老公返內地娶老婆
2021-05-11 10:04 
不少長輩都希望兒孫滿堂，若子女婚後未有生育，可能會用盡各種方法「力勸」。有港女分享，自己與老公早有共識不生育，但奶奶仍經常催生仔，最近更變本加厲，要脅若她不生育，就叫兒子返內地娶老婆，令她非常氣憤！
有女網民在社交媒體Facebook專頁「生仔要考牌系列」投稿，指她現年38歲，老公40歲，兩人婚前已有共識不生育，但奶奶卻「好恨抱孫」，經常向他們力陳多個生仔的理由。樓主表示，奶奶由「香港教育」數到「政府福利」，認為二人都不應「輸蝕」，反而要珍惜「咁幸福嘅環境」，勸二人應該生兩個，「最好有個仔啦梗係」，更指老爺奶奶相當支持夫婦二人，甚至會資助他們。
不過樓主表示，自己與老公都不喜歡小朋友，「又困身，同埋生出嚟又搞唔掂，唔通拋棄佢唔理咩？真係好大責任」。但她指出，老公是家中唯一一個兒子，即使他有一個妹妹，奶奶仍將壓力推到他們二人身上。
而最令樓主感到生氣的是，奶奶曾經要脅樓主，「話如果我唔生嘅話，佢會叫我老公返內地娶老婆，反正佢有咁多親戚喺嗰邊，一定有好多女仔介紹到俾老公」，樓主老公聽後沒有理會，亦沒有反抗，但樓主就感到既難受又生氣。樓主更表示，幸好與老公都不喜歡小朋友，「如果我哋生咗嘅話，奶奶一定會插手多多事幹，到時候仲麻煩呀！」
帖文引起網民熱烈討論，不少人都認為樓主應堅持己見，自行決定生育與否，「生BB係女人嘅權利，並唔係義務，子宮係自己嘅，梗係自己話事啦」、「唔鐘意小朋友真係唔好生。根本唔係錢嘅問題」、「叫人生小朋友嘅人真係XX嚟，邊個辛苦邊個痛邊個勞氣邊個比錢養，得把聲」。另外亦有網民認為，樓主及老公應該好好與奶奶溝通，「你地一定要好好同你奶奶溝通好，最緊要你老公要做好中間個角色，唔係所有嘢你自己頂係會好辛苦」。
資料來源：「生仔要考牌系列」FB
最新回應