【公仔世紀合照】合唱歌兩周後有得聽 吳業坤193交換兩台吉祥物
2021-05-11 16:30 
近日兩台展開電視大戰，身為TVB藝人的吳業坤（坤哥）早前卻於社交網分享與男子組合ERROR成員193（郭嘉駿）的搭膊合照，令不少網民也感到驚訝！事後坤哥透露二人傾過一齊做Cover，因為係網上合作，所以冇考慮太多唔同因數，仲話公司好大方，唔覺得會有矛盾出現。
直至昨晚，他們再次於IG Story貼出錄音室和合作歌曲的歌詞照，更破天荒帶同各自所屬電視台的吉祥物「Tvbuddy」及「Sound Bear」，即席進行交換儀式，坤哥寫道：「無放飛機。」一眾網民即紛紛留言：「唔通三爺（指193）今次要炸埋Tvbuddy？」、「ERROR第五位成員」等，十分搞笑；同時，亦有不少人表示：「希望坤哥恢復自由身，唔使再綁住任何一個台」、「欣賞坤哥嘅音樂，亦期待坤哥會有更開放平台去做音樂…ERROR都係個好對手呀」。當然大家都好期待二人新作，至於幾時有得聽？坤哥回覆傳媒稱，首Cover預計兩周後推出，並謂：「遲啲有機會再合作！」
關鍵字
最新回應