【維港會】獲父母贈值千萬住宅 港男內疚但拒與姊平分捱批終讓步

有港男在網上討論區發文指，父母決定把一層1000萬元的住宅單位給他，引來胞姊不滿。港男明白這個決定對姐姐不公平，雖然為此感到內疚，但他認為社會觀念「要求男人有樓」，所以不打算將單位讓出。

一名正就讀大學一年級的香港男網民在「Dcard」發文 指，家中一向重男輕女，家人決定將早前購入的單位給他，胞姐知道後很不高興，「我家姐一聽到就發晒脾氣又鬧又喊」。雖然發文者也覺得對胞姐不公平，但他認為社會觀念「要求男人有樓，好多女話無樓已經唔一齊，層樓對我好重要，女人結婚通常都跟夫家住」，所以即使有少許內疚，亦不打算「讓層樓出嚟」。

帖文一出引來網民批評發文者自私，認為該單位應兩姐弟平分，「賣咗佢，同家姐一人一半」、「唔讓都得，你畀返個樓價一半你家姐」，但發文者回應指自己「無咁多錢」給姐姐，又指自己「想畀少少補償家姐，免費畀家姐住到我成家立室為止」。

網民聞言指「其實你只不過係想自己嘅內心好過啲，你咁樣不如咩都唔好做啦」、「你接受你就係咁自私嘅現實啦，話明白唔公平，但你又唔肯放棄」。

發文者之後更新帖文指，與姐姐達成共識，家人會將該市值1000萬元單位給他，他會將該單位放租，每月2萬元租金會給姐姐供樓，直至自己大概10年後結婚，預計大約有240萬元租金收入給胞姐。他透露，「家姐無再嬲家人 佢都重來無嬲過我...傾完之後家姐都滿意 反而我地感情又再好啲」。

他又為自己言論辯護，稱「偽唔偽善就見仁見智，唔洗再嘈，你地想做好人定聖人無所謂。 唔好強加標準落我身上就得」,並且希望網民不要再惡意揣測他們的家庭關係，「無人虐待佢，只係分錢方面有分歧，我地屋企一直好食好住，已經好過好多人屋企」

帖文轉載自《屋企人話比層樓我 唔比家姐》