Kary Miki出席婚宴被屈分枱坐 「餅碎」Gloria貼同枱照證冇咁嘅事

女子組合Cookies前成員陳素瑩（Gloria）結婚並在半島擺酒，前隊友吳雨霏（Kary）、區文詩（Angela）及楊愛瑾（Miki）亦有到場見證喜事，由於早年Kary與Miki傳不和，當日婚禮上兩女被指獲主人家安排分枱坐。

不過Gloria忙完婚禮後在社交網站貼出Kary與Miki同枱的相片，並回應傳言，她留言：「作為主人家嘅我同我老公William並無安排Miki同Kary分枱坐，因為Kary一早講咗會嚟影相但唔會食飯，而Miki就會嚟食飯，因為我尋晚真係太忙招呼唔同嘅賓客，完全唔記得咗影大合照，我搵得好辛苦終於比到我搵到一張佢哋係一齊坐同一張枱嘅相，證明真係冇分枱坐呢回事。」最後Gloria好多謝Miki，因為對方隻眼有少少敏感但都出席婚宴，另外作為主人家對Kary和Miki造成不便感到非常抱歉。

而Miki亦在社交網站上更新動態，對於傳言感到委屈，她寫道：「有甚麼事發生的時候，我從來都是選擇不發聲的那種人，希望流言止於智者，對於自己沒做過的事情，都抱著清者自清的態度。但有時，不發聲，往往最傷害的是自己，一些流言蜚語攻擊，而你只好默默的忍受，心裡無數委屈，卻說不出口。其實這些不認識，亦都不是事件中的人，又有甚麼資格批判這些事？生活這麼繁忙，何不好好專注自己的事情？」Miki又表示希望藉分享表達情緒，對自己好一點。