老師擰轉背囝囝即笑對方肥 黎諾懿呻教壞「小春雞」養成駁嘴性格

黎諾懿到電台接受訪問，支持好友朱匯林開咪，主題是「人生最成功和最豬的事」。諾懿笑言：「我係成功人士，人生冇發生過豬事！雖然有人覺得生仔好蠢，但我覺得係最開心嘅事。」因疫情關係，他和4歲囝囝峰睿（小春雞）日對夜對，諾懿揚言：「好想拍劇呀，可以離開屋企！」

不過一談到要同小春雞齊隔離，諾懿即刻拒絕，「如果要連續14日，每日24小時對住佢，我一定會死！」他指囝囝已開始駁嘴，試過被老師輕輕責罵，竟趁老師轉身後說「You are so fat（你很胖）」。諾懿認為囝囝的古靈精怪是遺傳自他，不過老婆李潔瑩就叫他要教好個仔。

諾懿說：「我最後同個仔講『下次要等老師行遠啲先講』，小朋友太乖會失去童真。以前我都會叫伊健做長毛飛，而家囝囝好精靈，但可能我教得太好，有時都似古惑仔。老婆有時話我哋嘅時候，佢會話『我笑咋嘛，又無講嘢』，所以我都係時候檢討自己教育方法。」他又指小春雞經常讚人靚，因為是4歲人仔把口講出嚟，好多朋友都覺得好得意，搵囝囝多過搵自己。