厭世表情配精壯Body 宋江露完美背肌谷新劇

韓國男星宋江的新作《無法抗拒的他》將於6月19日播出，他接受韓國雜誌訪問兼拍攝新相。宋江先後憑《喜歡的話請響鈴》及《Sweet Home》等劇累積人氣成為新一代男神，不過呢位男神似乎就唔知自己幾有魅力，訪問中就提到，「我想毫無保留地呈現自己的魅力給觀眾，但不知道是否能自然地表達。很好奇大家看到我的時候有甚麼感受。」

宋江唔知自己可否自然表達魅力呢點真係幾好笑，唔好玩啦宋江喎，講返輯相，宋江造型好性感，之前喺《如蝶翩翩》演芭蕾舞員已經晒過大隻臂彎，今次仲加碼騷出背肌，大隻得嚟又有少少骨感，件衫着一半唔着一半好識玩。宋江唔知Fans見到自己有咩感受？流晒口水囉！仲問。