【Juicy叮】父憂失綜援資格拒抽租置公屋 港男無奈：窮人思想溝通唔到

本港的房屋問題一直未能解決，不過若成為公屋戶既可享受平租，亦可選擇換樓上購買公營房屋低價做業主。近日有網民於討論區發文指，其一家打算抽試「租置」公屋單位，惟父親擔心會失領取綜援資格而極力反對，令該網民感無奈，並直言「同佢個窮人思想溝通唔到」。

該名網民於「連登討論區」發文指，其一家四口目前住公屋，快60歲的父親收入約一萬多，而母親則是主庭主婦，妹妹剛畢業未有收入，自己則月入近4萬。近日妹妹提議一家人可試抽「租置」公屋單位，十成按揭供25年，月供僅2至3000多元，相比亦與公屋的租金差不多，「但就叫做可以有個物業」。

樓主表示，自己及母親都對提議相當贊成，惟獨父親卻極力反對，因父親擔心成為業主後會令他失去領取綜援資格。其父親更擔心如果他日事主及細妹成家自立後，若不付家用將令兩老無所依，「搞到佢臨老過唔到世，有得住唔得食」。樓主亦因父親的反對而甚感苦惱，遂向網民詢問應如何是好，最後他忍不住嘆息，「完全同佢個窮人思想溝通唔到」。

帖文引起網民的討論，有網民指自置自住的單位價值不會納入申請綜援或其他長者福利的資產審查，「65歲自住物業拎生果金都$3800」，亦有網民認為父親作為戶主，對單位有決定權，籲樓主不應過於執著，「你老豆係戶主，佢有決定權，老人家想臨老，有間屋企唔想冒險唔出奇」、「咁唔好搞老豆間公屋啦，佢養老架」，「自己儲多啲上車啦」。

有網民則提醒租置公屋單位雖然價錢吸引，樓齡一般較高且設備殘舊，隨時須花費更多裝修費才可入住，建議應抽新居屋或綠置居更佳，「租置有好多問題，最重要整乜嘢都自己俾錢」、「問題係租置太舊，總之有新買新」。

資料來源：連登討論區