搶走雷有輝處男個唱場地頭啖湯黃凱芹59歲回歸樂壇西九開騷

2021-05-31 19:55

去年雷有輝受疫情影響，處男個唱三度延期，被黃凱芹冷手執個熱煎堆，搶閘喺今年七月西九開個唱。

疫情和緩，沉寂咗年多嘅演唱會陸陸續續展開。59歲「音樂才子」黃凱芹(Chris)闊別香港舞台6年亦宣告回歸，將於7月中舉行《聽‧黃凱芹2021》音樂會，他是首位於西九文化區戲曲中心大劇院舉辦流行音樂會的歌手，搶咗去年因為受疫情影響，處男個唱三度被迫要延期嘅雷有輝開show場地頭啖湯。由於場地集華麗及典雅於一身，並富有濃厚的藝術氣息，非常適合他的形象，故決定在西九文化區戲曲中心演唱。

身在外地嘅Chris與香港的製作團隊緊密聯繫，希望音樂會帶給觀眾更多新鮮元素。他說因疫情關係經常留在家，也不忘為音樂會努力keep fit做運動，務求以最佳狀態跟觀眾見面，而一連三場的演出，會傾盡全力為歌迷獻唱名曲，今次的樂隊及製作團隊也是最頂級，希望屆時令大家盡興。