【維港會】林作自爆阿媽畀百萬勸退賽 遭質疑想縮沙

林作與「百億富三代」鍾培生將於9月18日上演百萬拳賽《林鍾大戰》，受訓約3個月的林作在上個月參加了《Energy Fight 2021拳擊業餘賽》作熱身，雖然他在附加賽最終回落敗，但揚言不會影響出戰信心，繼續積極備戰。林作昨日（2日）於社交網上晒眼部的瘀勢，並稱身於內地的母親以百萬利誘，勸其退出比賽。林作於網上詢問意見時，卻遭網民指他疑似淆底想縮沙。

林作昨日（2日）於Facebook分享一張自拍照，照片中看到他的左邊眼肚位置有明顯瘀青，他亦留言指，「今日將我的打腫眼照片send （發送）俾身在內地的媽媽，媽媽馬上打來，要求我退賽」。他更指媽媽以100萬利誘勸他退出與鍾培生的拳賽。面對金錢的誘惑，林作於網上詢問網民應否聽從母親的意見，「我應該攞我老母一百萬，定攞終賠(鍾培)生一百萬?」，「我係裙腳仔嗎？」。

帖文引起網民的熱論，有網民質疑林作淆底想縮沙，「之前講到係威係勢，你唔係唔打呀？」、「而家先縮沙，係咪男人？」，「你係裙腳仔就緊，如果你打都叫做有啲骨氣，唔打就真係冇人睇得起你」，亦有網民笑言，「叫你飛裕美又唔見你咁聽話？」、「拎咗阿媽100萬，再拎鐘生100萬，輕鬆有200萬。」，亦有人勸林作不應輕易放棄，「既然苦練咗咁耐，當然唔好臨陣退縮。」、「應承咗人嘅事，係應該實行」！