【調教你MIRROR】做節目經常被整蠱失信任 Edan提議逃走Stanley瘋狂FF
2021-06-08 13:00 
ViuTV的20集真人騷節目《調教你MIRROR》昨晚首播，12位鏡仔要面對梁祖堯調教，在沒有經理人花姐（黃慧君）的情況下到梅窩展開12日「隔離」Camp。祖祖認為明星平時要面對經理人和Fans，容易變成公仔，隱藏最真實的自己。
入Camp前，祖祖先在去年12月的《全民造星III》總決賽與任嘉賓的MIRROR接觸，祖祖自爆未曾跟姜濤及Anson Lo（盧瀚霆）真正交談過。簡單與12位仔仔聊天後，他有感眾人性格迥異，難以輕易融合，也馬上明白為何花姐如此保護他們。
為避免Fans聚集令場面混亂，幕後特別安排12人分開4個時段在中環碼頭等候，最後準時的只得Anson Kong（江𤒹生）、Edan（呂爵安）、Tiger（邱傲然）、Frankie（陳瑞輝）及Stanley（邱士縉），隊長Lokman（楊樂文）遲到令人大跌眼鏡，而住同一區的Anson Lo和Jeremy（李駿傑）因平時有花姐接送，今次自己出發只遲到兩分鐘。祖祖在碼頭有跟花姐聯絡，終於有假放的她竟然心情緊張，因為「好擔心佢哋唔夠投入」，又驚成員執行李有甩漏。
由於入Camp第一日正是愚人節（4月1日），不少成員都擔心會被整蠱。Edan妄想症上身，提議眾人「一齊逃走」，又覺得會有愚人節特備環節；連Stanley都多疑埋一份，覺得「會有整蠱，可能有個侍應走出嚟之後鬧交」；Frankie及Ian（陳卓賢）同樣好怕製作組，前者怕被呃，後者怕要拎住行李跑山，只敢帶大背囊。
由於鏡仔們駁晒收音，而梁祖堯又全程聽住，覺得好有趣同時又認為MIRROR面對鏡頭「好撈格，做節目咁，冇辦法真係傾偈」，希望他們入營後會有所改變。此外，MIRROR昨晚在社交網宣佈明天推出新歌《BOSS》，海報被鏡粉取笑好似賭場宣傳海報。
最新回應